Mobil tətbiqlərin UX/UI dizaynı: trendlər və qaçınılmalı səhvlər
Mobil tətbiqlər gündəlik həyatımızın ayrılmaz bir hissəsinə çevrilib, və bu sahədə tərtibatçılar və dizaynerlər həm texniki bacarıqlara , həm də istifadəçilərin ehtiyaclarına fikir verərək, yeni tədbiqlər yaradır və rəqabəti davam etdirirlər. Tətbiqin uğurunun əsas amillərindən biri keyfiyyətli UX/UI dizaynıdır. Gəlin mobil tətbiqlərin yaradılmasında müasir trendləri və qarşısını almaq lazım olan səhvləri nəzərdən keçirək.
Mobil Tətbiqlərin UX/UI Dizaynında Trendlər
Minimalizm və Sadəlik
Son illərdə minimalizm interfeys dizaynında əsas trendə çevrilib. İstifadəçilər sadəlik və rahat naviqasiyanı yüksək qiymətləndirirlər, buna görə minimalist interfeyslər əsas funksiyalara və rahat naviqasiyaya diqqət yetirərək getdikcə daha populyarlaşır. İnterfeysin sadələşdirilməsi tətbiqin yükləmə sürətini də yaxşılaşdırır ki, bu da istifadəçi təcrübəsinə müsbət təsir göstərir.Qaranlıq Rejimlər
Qaranlıq rejimlər müasir tətbiqlərin əksəriyyəti üçün standart olub. Onlar təkcə dəbli və müasir görünməyib, həm də az işıqlı şəraitdə gözlərin yüklənməsini azaldır və OLED ekranlı cihazlarda batareyanın enerjisinə qənaət edir.Animasiyalar və mikroqarşılıqlı əlaqələr
Animasiyalar və mikroqarşılıqlı əlaqələr (mikroanimasiyalar) tətbiq interfeysini daha canlı və interaktiv edir. Onlar istifadəçiyə tətbiqin daxilində daha yaxşı istiqamətlənməyə kömək edir, mümkün hərəkətlər barədə ipucları verir və qarşılıqlı əlaqədən müsbət təəssürat yaradır.Səsli İntefeyslər və Köməkçilər
Siri, Google Assistant və Alexa kimi səsli köməkçilərin ortaya çıxması ilə mobil tətbiqlərdə səsli interfeyslərin inteqrasiyasına tələbat artır. Bu, istifadəçilərə tətbiqlə daha sürətli və rahat qarşılıqlı əlaqə qurmağa imkan verir ki, bu da çoxfunksiyalılıq tələb edən tapşırıqlar üçün xüsusilə aktualdır.Əlçatanlıq və inklyuziv Dizayn
2024-cü ildə inkluziv(daxil edən) dizayn populyarlıq qazanmağa davam edir. Dizaynerlər interfeyslərin fiziki imkanları məhdud olan insanlar üçün əlçatanlığına daha çox diqqət yetirirlər. Bu, ekran oxuyucularını dəstəkləməyi, mətnin böyüdülməsini və kontrastlı rəngləri, eləcə də jestlə idarə etməni ehtiva edir.Qaçınılmalı Səhvlər
Çox Çətin Naviqasiya
Ən çox rast gəlinən çatışmazlıqlardan biri çətin və ya qeyri-intuitiv naviqasiyadır. İstifadəçilər lazım olan funksiyaları asanlıqla tapmalı və ekranlar arasında hərəkət edə bilməlidirlər. İstifadəçi lazımi məlumatı axtarmağa çox vaxt sərf edirsə, bu, marağın azalmasına və tətbiqdən imtinaya səbəb ola bilər.İnterfeysin Həddən Artıq Yüklənməsi
Maksimum funksionallıq təmin etməyə çalışarkən, bəzi tərtibatçılar interfeysi elementlərlə yükləyirlər. Bu, istifadəçini çaşdıraraq tətbiqdə istiqamətlənməyi çətinləşdirə bilər. Funksionallıq və sadəlik arasında balansı saxlamaq, əsas tapşırıqlara diqqət yetirmək vacibdir.Keyfiyyətsiz və ya Uyğunsuz Şəkillər
Şəkillər və qrafika vizual qavrayışın yaradılmasında mühüm rol oynayır. Keyfiyyətsiz və ya uyğun olmayan şəkillərin istifadəsi istifadəçinin tətbiq haqqında təəssüratına mənfi təsir göstərə bilər. Ümumi üslubu və konsepsiyanı dəstəkləyən, yüksək keyfiyyətli və mövzuya uyğun şəkillərdən istifadə etmək daha yaxşıdır.Əlçatanlığın Nəzərə Alınmaması
Əlçatanlığı nəzərə almamaq tətbiqin müəyyən istifadəçi kateqoriyaları üçün istifadəsini məhdudlaşdıra bilər. Məsələn, kiçik mətn, aşağı rəng kontrastı və ya audio və video məzmun üçün alternativlərin olmaması fiziki imkanları məhdud insanlar üçün maneələr yarada bilər.Həddindən Artıq Animasiyalar
Animasiyalar qarşılıqlı əlaqəni artırıb istifadəçi təcrübəsini yaxşılaşdıra bilər, lakin onların həddindən artıq çox olması qıcıqlanmaya səbəb ola və tətbiqin işləmə sürətini azalda bilər. Animasiyalardan ölçülü və yalnız həqiqətən zəruri olan yerlərdə istifadə etmək vacibdir.Müxtəlif Ekranlar üçün optimallaşdırılmamış dizayn
Çox rast gəlinən səhvlərdən biri də uyğunlaşdırılmış dizaynın olmamasıdır. Tətbiq həm kiçik smartfon ekranlarında, həm də planşetlərdə eyni dərəcədə rahat olmalıdır. Bu xüsusiyyətin nəzərə alınmaması istifadəçi təcrübəsinin keyfiyyətinin aşağı düşməsinə səbəb ola bilər.Real istifadəçilərlə testin nəzərə alınmaması
Real istifadəçilərlə test aparmaq — inkişafın vacib mərhələsidir. Bu, layihələndirmə mərhələsində aşkarlanmamış problemləri üzə çıxarmağa kömək edir. Bu mərhələnin nəzərə alınmaması hədəf auditoriyanın gözləntilərinə uyğun olmayan interfeysin yaradılmasına səbəb ola bilər.
Keyfiyyətli UX/UI dizayn — estetik və funksionallıq arasında balansdır. Müasir trendlərə əməl edərək və ümumi səhvlərdən qaçaraq, tərtibatçılar həm gözəl, həm də istifadəsi rahat olan mobil tətbiq yarada bilərlər. Unutmayın ki, əsas prioritet istifadəçilərin ehtiyaclarıdır, və uğurlu tətbiq həmişə onların təcrübəsi və rahatlığı üzərində qurulmalıdır.
