UI/UX dizayn:nədir və nə ilə fərqlənirlər

Gülər Rəhimli 21 iyn 2024

UI/UX dizayner- dizayn və veb-saytların tərtibində geniş yayılmış anlayışdır. Gəlin bu sahələrin nə barədə olduqlarını və nə ilə fərqləndiklərini öyrənək.

UX (user experience-istifadəçi təcrübəsi)-bu sahə daha çox istifadəçinin məhsuldan istifadəsi və onun hansı dərəcədə rahat olduğu barədədi. UX saytın funksionalından istifadəni,navigasiyanı(yönləndirilməni),səhifədə olan ünsürlərdən(məsələn axtarış xanası və s.) istifadəni nəzərdə tutur. Qısaca,UX istifadəçinin bir saytda istədyinin nə qədər tez və rahat tapması barədədir.

UI (user interface-istifadəçi interfeysi)-daha çox saytın zahiri görünüşünə-vizualına cavabdehdir:şəkillər,mətnlər,rənglər və digər vizual elementlər.

UI və UX adətən məhsulun tərtibində birlikdə istifadə olunurlar və bu səbəbdən bu iki anlayış qarışdırıla bilər. Lakin onların aralarında mühüm fərqlərin olduğunu unutmamaq lazımdır. UX daha çox saytın isitifadəçi üçün necə hiss edilməsi barədədi (yəni,məhsul istifadəçi üçün nə dərəcədə komfortlu,operativ və s. cəhətlərdən hiss olunur). Lakin Uİ vizuala və tamamlanmış məhsulun hansı görünüşdə olduğuna cavabdehdir.

Bəhs edilən sahələrin oxşarlıqları olsa belə,mütəxəsisslər eyni bir məhsul üzərində işləyərkən tamam fərqli öhdəlkləri vardır.Məsələn,UX saytın strukturunu tərtib edir və prototipləri yaradır. Saytın "çərçivəsi" tərtib edildikdən sonra,UI dizaynər saytın dizayn hissəsi ilə məşgul olur,məhsul üzərində işi bitirir və təqdim edir.Həmçinin UI dizayner xırdalıqlar ilə daha çox məşğul olur.UX dizayner isə daha çox məhsulun ümumi keyfiyyəti və istifadəçilər üçün rahat olması üçün çalıışır.

Fikir vermək olar iki,hər iki sahə fərqlənsələr belə, bir biri ilə əlaqələdir. Bəzən UX dizayna UI-dan daha çox fikir verilir-məsələn,görünüşün çox da əhəmiyyətli olmayan daxili iş sisitemlərində:belə sistemlərdə rahatlıq daha önəmlidir.Misal üçün satış məqsədi ilə isitfadə olunan saytlarda UI dizayndan daha çox istifadə olunur:alıcını saytın zahiri tərəfi və estetikasi ilə cəlb etmək üçün.

Sahələrin fərqindən məlumatlı olduğumuzdan,mütəxəsisslərin nə etdiklərinə keçid etmək olar. UX dizayner ilk öncə kontent strategiyasl ilə işə başlayır:istifadə olunacaq kontenti seçir,incələyir və planlaşdırır. Kontentin tərtib prosesində,mütəxəsiss həm də hədəf olan kütlənin maraqları barədə məlumat alır,və digər saytların kontentinə nəzər yetirir.İkincisi,dizayner hazırladığı məhsulu test edir və ən yaxşı versiyasına nail olmaq üçün prototiplər yaradır.Üçüncüsü,dizayner mütləq istifadəçilərin maraqları barədə xəbərdar olmalıdır,və hətta əlavə məlumat üçün fərqli sorğular keçirə bilər.

UI dizaynerin əsas öhdəliklərindən yekun məhsulda brendin tərzini əks etdirməkdir.O bunu müəyyən rənglər,şriftlər və s. seçərək edir. Saytı isitifadəçi üçün daha cəlbedici,interaktiv və maraqlı olması üçün fərqli animasiyaları yaradılması( məsələn sayta klik etdikdə hansısa animasiyaların göstərilməsi) da UI dizaynerin işinə aiddir. Uyğun dizaynı yaradarkən, mütəxəsiss həm də məhsulun fərqli cihazlarda istifadə olunacağını da nəzərə almalıdır,bu səbəbdən istifadə üçün çevik bir dizayn yaradmalıdır.

Təqdim olunan məqələdə UI/UX nə olduğunu və onların müasir İT dünyasında yerlərini öyrəndik. Sözügedən sahələrdə kifayət qədər bilikləriniz olsa,siz həm istifadə üçün rahat,həm də görünüşcə cəlbedici bir məhsul yarada bilərsiniz.