AIOps: İT sahəsində tədbiqi

Hər kəs Süni İntellekt  və onun gündəlik həyatımızda artan əhəmiyyətindən məlumatlıdır: məişətdə, sosial şəbəkələrdə,təhsildə, ChatGPT isə bir çox adamın sevimli köməkçisinə çevrilmşdir. Süni İntellekt (bundan sonra Sİ) IT sahəsini kənarda qoymamışdır və geniş olaraq orada tədbiq edilir. Gəlin AIOps nədir və iş həyatınızda ona ehtiyac var ya yox, öyrənək.

AIOps ifadəsinin açılışı “Artificial Intellegence for IT operations” ,daha dəqiq isə “IT əməliyyatları üçün Süni İntellekt”. Süni İntellektin IT əməliyyatların avtomatlaşdırılması və onlara xidməti bu ifadə altında nəzərdə tutulur. Sİ-in bu sahədə tədbiq dairəsinə də nəzər yetirmək vacibdir.

·       Yüksək çeviklik

Sİ-dən istifadə edərək,bir neçə işçinin köməyindən isifadə etməyərək tez şəkildə praktiki məlumatları almaq mümkündür.Bu səbədən,mütəxəssislər AIOps-dan istifadə edərək,məlumatlar barədə yaranan sualların həllində sadəcə komandalara əlavələr edirlər. Həmçinin, Sİ-dən istifadə edərək mütəxəssislər vaxtlarını sadə səhvlərə  və məqamlara yox,daha çox mürəkkəb və unikal olanlara sərf edə bilərlər. Bu sadə səhvlər rahatlıqla Sİ tərəfindən həll oluna bilər.

·       Vaxta qənayət

AIOps sistemi məlumatları geniş şəkildə analiz edir,incələyir,və nəticədə vaxtında sistemdə yarana biləcək problemləri və onların səbəblərini göstərir. Beləliklə,vaxtında yarana biləcək səhvləri müəyyən etmək və onları həll etmək üçün müvafiq tədbirlər görmək olar.

·        Sistem səhvlərindən məlumat və proqnoz

AİOps vasitəsi ilə sistem səhvlərini proqnoz etmək olar. Sistemin özü bunu ML (machine learning-maşın öyrənməsi) vasitəsi ilə edir. ML böyük həcmli məlumatları analiz edir və müəyyən nəticələr çıxardır ( bu nəticələr,məlumatların böyük həcmli olduğundan, insan tərəfindən müəyyən edilə bilməz). İşçilər,bu nəticələri vaxtında görüb məlumatları real zaman şəklində incələnməsini seçə bilərlər.

·       İT əməliyyatlarının optimizasiyası

Gündəlik həyatda işçilər iri həcmli məlumat bazaları ilə işləyirlər. Bəzi sadə prosseslərin tezləşdirmə məqsədi ilə Sİ-dən istifadə olunur.Beləliklə bəzi sadə əməliyyatlar avtomatlaşdırılır və işçilərin diqqəti daha mürəkkəb işlərə keçir,vaxta qənayət olunur.

·       Bulud sistemləri

AIOps-un istifadəsi ilə bulud sistemləri daha avtonom (müstəqil) xarakter alır və prossesin özündə insanın rolu azalır. Bulud sistemlərin müstəqil xarakteri sayəsində əsas əməliyyatlar Sİ tərəfindən keçirilir və hər səviyyədə ancaq əməliyyatların bir hissəsi insanın öhdəliyində olur. Beləliklə,işçilər,şəbəkələrdə mürəkkəb məlumatlar köçürülməsi barədə narahat olmurlar,və rahatlıqla bu prossesləri fərqli bulud sistemlərində idarə edirlər. Qeyd etmək lazımdır ki,AIOps-un güclü tərəflərindən biri bulud sistemlərinin təhlükəsizliyinin artırılmasıdır. Proqnoz haqqında bəhs etdikdə,bunu bulud sistemlərinə də aid edə bilərik,harada ki səhvlər və təhlüklər tez şəkildə Sİ tərəfindən görülə bilər.

·       Tədbiqlərin yaradılması

Mobil və ya digər növ tədbiqlərin yaradılmasının  ilkin mərhələlərində proqrammçılar tez-tez bu sistemi kodlarda mümkün olan səhvləri tapmaq üçün istifadə edirlər. Beləliklə onlar kodun yoxlanılmasını avtomatlaşdıra və mövcud səhvləri görüb daha da keyfiyyətli nəticəni əldə edə bilərlər.

Həmçinin oxşar bir anlayışa da rast gəlmək olar- DevOps -müəyyən bir metodikadır,hansı ki iş prosseslərin avtomatlaşdırılmasını nəzərdə tutur. Daha çox işin keyfiyyətinin və çevilkiyin artırılması üçün yaradılan bir sistemdir (AIOps kimi,lakin o daha çox Sİ təşkil edir). DevOps mütəxəssisləri AIOps-dan vaxta qənayət və proqrammalrın keyfiyyətinin artırmaq məqsədi ilə istifadə edirlər.

AIOps-un mümkün təbiq dairələrinə nəzər yetirdikdən sonra ,anlamaq olar ki,bu sistemin əsas məqsədi iş gücünün azaldılması,vaxtın qənayəti və daxili sistemin təhlükəsizliyidir. Beləliklə,bu sistemdən istifadə edərək,siz işinizi asanlaşdırıb, bir neçə müsbət nəticələrə nail ola bilərsiniz.